ಬಾರೋ ವೆಂಕಟೇಶ

ಬಾರೋ ವೆಂಕಟೇಶ ಮನೆಗೆ ಬಾರೋ ಶ್ರೀನಿವಾಸ
ತೊಡೆಯಲಿಟ್ಟು ಮುದ್ದು ಕೊಟ್ಟು ಹಾಲು ಸಕ್ಕರೆ
ಸಹಿತವಾಗಿ ಪುಟ್ಟ ಬಟ್ಟಲೊಳಗೆ ನಿನಗೆ
ಹೊಟ್ಟೆ ತುಂಬಾ ಹಾಲು ಕೊಡುವೆ ।।

ಸಣ್ಣನಾಮ ಹಣೆಯಲ್ಲಿ ಹೊಳೆಯುತಾ
ಶಂಖಚಕ್ರ ಪದ್ಮ ಕಿರೀಟವ ತೋರುತ ।
ವಾಮಭಾಗದಲ್ಲಿ ಲಕ್ಷ್ಮಿ ದೇವಿಯೊಡನೆ
ಸರಸವಾಡುತ ಅಮ್ಮ ಬಹಳ ಹಸಿವೆಯೆಂದರೆ
ಕೈಯ ತುಂಬಾ ಬೆಣ್ಣೆ ಕೊಡುವೆ  ।। ಪ ।।

ಚಿನ್ನಿ ಕೋಲು ಚೆಂಡನಾಡುತ ಗೆಳೆಯರೊಡನೆ ಗೊಲ್ಲನಾಗಿ
ಗೋವು ಕಾಯುತ ।
ಕಾಲು ಪಟ್ಟೆಕಾಲಲುಟ್ಟು ತುಳಸಿ ಮಾಲೆ ಕೊರಳ
ಧರಿಸಿ ನಿಮ್ಮ ಪಾದ ಮಂದಕಿಟ್ಟು
ಎನ್ನ ಮೇಲೆ ಚಿತ್ತವಿಟ್ಟು ।। ಪ ।।

ಬಾಲರಿಲ್ಲದ ಬಂಜೆ ಎನುವರೋ ಎನ್ನ ಜನ ಬಾಲರನ್ನು
ಪಡೆದ ಜಾಣರು । ಹಸುಳೆ ಇಲ್ಲದೆ ಬಹಳವಾಗಿ
ವ್ಯಸನದಿಂದ ಕಾಲ ಕಳೆದೆ ಶಿಶುವಾಗಿ ತೋರಿ
ಬಂದ ಶೇಷಗಿರಿಯ ಶ್ರೀನಿವಾಸ ।। ಪ ।।