ಮೂರು ಜಗವ ಕುಣಿಸಿದಂತ

ಮೂರು ಜಗವ ಕುಣಿಸಿದಂತ ಗಾರುಡಿಗೈವ  ಯಾರಕ್ಕ ।।
ಯಾರಕ್ಕ ಇವ ಯಾರಕ್ಕ ।।

ನಾರಾಯಣನಲ್ಲವೇನು ಅಣ್ಣಾ ಕೇಳೆ ತಮ್ಮ ।

ಧರೆಯ ಸುರುಳಿ ಸುತ್ತಿದಂಥ ಅರಸು ಇವ ಯಾರಕ್ಕ ।
ಮಧುರಾ ಪುರದಿ ಕದನವ ನಿಟ್ಟಿದಾ
ವರಹಾವತಾರ ಕೇಳ್ ತಂಗಿ (ಇವ) ।।

ಕುದುರೆಯ ಮೇಲೆ ಎದುರಿಗೆ ಬರುವ
ಚೆಲುವಾ ಇವ ಯಾರಕ್ಕ ಇವ ಯಾರಕ್ಕ ।।
ಅರಿಯದ ಭಕುತರ ಮೊರೆಯನೆ ಕೇಳ್ದ
ಕಲ್ಕ್ಯಾವತಾರ ಕೇಳ್ ತಂಗಿ (ಇವ) ।।

ಇಂದು ವದನ ಸುಂದರ ಮೂರುತಿ
ಗೋವಿಂದ ಇವ ಕಾಣಕ್ಕ ।।
ನಂದನ ಕಂದ ಹೆಳವನ ಕಟ್ಟೆಯ
ರಂಗ ಇವ ಕಾಣಕ್ಕ
ಹೆಳವನ ಕಟ್ಟೆಯ ರಂಗ ಕಾಣಕ್ಕ ।।