ಗೋಪಿ ಕೇಳ್ ನಿನ್ನ ಮಗ

ಗೋಪಿ ಕೇಳ್ ನಿನ್ನ ಮಗ ಜಾರ ಅವ  ಚೋರ ಸುಕುಮಾರ ।

ಮುದದಿ ಮುಕುಂದ ಸದಸದನಕ್ಕೆ ಬಂದ ದಧಿಯ
ಮೀಸಲು ತಿಂದ ಅವತಿಂದ ನಿನ್ನ ಕಂದಾ ।।

ಮಾರನ ಪಿತ ತಾ ಮನೆಯೊಳು ಹೊಕ್ಕ ಹಿಡಿಯ |

ಹೋದರೆ ಆವ ಸಿಕ್ಕ ಅವನಕ್ಕ ಭಾರಿ ಠಕ್ಕ ।।

ಹರೆಯದ ಪೋರಿ ಜರದ ಕೆಂಗೋರಿ । ಭರದಿಂದ 

ಸೀರೆಯ ಸೆಳೆದ ಕರಪಿಡಿದ ಮಾನ ಕಳೆದಾ ।।

ಭಾಳದಿನವಾಯಿತು ಹೇಳುವುದ್ಹಾ೦ಗೆ । ಗೋಪಾಲನ 

ಮನಸು ಒಮ್ಮೆ ಹಾಂಗೆ ಒಮ್ಮೆ ಹಿಂಗೆ । ಹೇಳಲಾಹ್೦ಗೆ ।।

ರಾಧೆಯ ಮನದ ಮೋದ ಮುಕುಂದ । ಶ್ರೀದವಿಠ್ಠಲನಾಟ 

ಚೆಂದ ನಯನನಂದ ನಿನ್ನ ಕಂದಾ ।।