ಗೋಪಿ ಕೇಳ್ ನಿನ್ನ ಮಗ

ಗೋಪಿ ಕೇಳ್ ನಿನ್ನ ಮಗ ಜಾರ ಅವಚೋರ ಸುಕುಮಾರ ।।

ಮುದದಿ ಮುಕುಂದ ಸದನಕ್ಕೆ ಬಂದ । ದಧಿಯ
ಮೀಸಲು ಬೆಣ್ಣೆ ತಿಂದ ಅವತಿಂದ ನಿನ್ನ ಕಂದಾ ।।

ಮಾರನ ಪಿತ ತಾ ಮನೆಯೊಳು ಹೊಕ್ಕ । ಹಿಡಿಯ
ಹೋದರೆ ಅವ ಸಿಕ್ಕ ಅವನಕ್ಕ ಭಾರಿ ಠಕ್ಕ ।।

ಹರೆಯದ ಪೋರಿ ಜರದ ಕೆಂಗೂರಿ । ಭರದಿಂದ
ಸೀರೆಯ ಸೆಳೆದ ಕರಪಿಡಿದ ಮಾನ ಕಳೆದಾ ।।

ಬಾಳದಿನವಾಯಿತು ಹೇಳುವುದ್ಹಾಂಗೆ । ಗೋಪಾಲನ
ಮನಸು ಒಮ್ಮೆ ಹಾಂಗೆ ಒಮ್ಮೆ ಹಿಂಗೆ । ಹೇಳಲ್ ಹಾಂಗೆ ।।

ರಾಧೆಯ ಮನದ ಮೋದ  ಮುಕುಂದ । ಶ್ರೀದವಿಠ್ಠಲನಾಟ
ಚೆಂದ ನಯನನಂದ ನಿನ್ನ ಕಂದಾ ।।